Дөнгөж сая Монгол Улсын гавьяат тамирчин У.Мөнх-Эрдэнэ Азийн аваргын алтан медалийг энгэртээ зүүлээ. БНСУ-ын Инчеон хотноо хотноо Азийн аварга шалгаруулах тэмцээний 64 кг-ийн жинд У.Мөнх-Эрдэнэ маань БНСУ-ын тамирчин Пак Сан Хьюктэй аваргын төлөө тоглож 21:8 /8:2; 7:2; 6:4/ харьцаагаар ялж азийн аварга хэмээх эрхэм алдрын эзэн боллоо. Манай тамирчин японы боксчин Юта Жүкүмори, Казакстаны Алмасбек Алибеков, Энэтхэгийн Балвиндер Бенвал нарыг ялснаар алтан медалийн төлөө тоглох эрхээ аваад байсан юм. Ийнхүү дэлхийн аваргын хүрэл медальт, Зүүн Азийн наадмын аварга, Азийн наадмын мөнгөн медальт, Азийн аваргын хүрэл медальт, Монгол Улсын Гавьяат тамирчин У.Мөнх-Эрдэнэ Азийн аваргын алтан медаль энгэртээ зүүж улс эх орныхоо нэрийг олон улсын спортын тавцанд дахин мандуулж байна. 

Монгол Улсын гавьяат тамирчин У.Мөнх-Эрдэнэдээ баяр хүргэе!